കോട്ടയം: പമ്പാവാലി കണമലയില് ശബരിമല തീര്ത്ഥാടകര് സഞ്ചരിച്ച ബസ് മറിഞ്ഞ് ഒരു മരണം. ഇന്ന് രാവിലെ ആറ് മണിയോടെയാണ് അപകടമുണ്ടായത്. കര്ണ്ണാടക സ്വദേശികളായ 35 പേരാണ് ബസില് ഉണ്ടായിരുന്നത്.
അപകടത്തിൽ 25 പേര്ക്ക് പരിക്കേറ്റിട്ടുണ്ട്. മൂന്ന് പേരുടെ നില ഗുരുതരമെന്നാണ് വിവരം. പരിക്കേറ്റവരെ എരുമേലിയിലെ വിവിധ ആശുപത്രികളില് പ്രവേശിപ്പിച്ചിരിക്കുകയാണ്. അപകടം നടന്ന അട്ടിവളവ് സ്ഥിരം അപകട മേഖലയാണ്.
