ആലപ്പുഴയിൽ അമ്മയുടെ ആൺ സുഹൃത്തിനെ ഷോക്കടിപ്പിച്ചു കൊന്ന കേസിൽ പ്രതിയായ കിരണിന് കൊല്ലപ്പെട്ട ദിനേശനോടുള്ളത് വർഷങ്ങൾ നീണ്ട പക. ഈ പക തന്നെയാണ് ക്രൂരകൃത്യത്തിന് കിരൺ പ്രേരിപ്പിച്ചതും. കിരണും കൊല്ലപ്പെട്ട ദിനേശനും തമ്മിൽ സംഘര്ഷങ്ങള് ഇതിന് മുന്പും നടന്നിട്ടുണ്ട്. നാല് വർഷം മുമ്പ് ദിനേശൻ കിരണിനെ വെട്ടിപ്പരിക്കേൽപ്പിച്ചിരുന്നു.
അന്ന് നിയമനടപടികളിലേക്ക് കിരൺ കടന്നിരുന്നില്ല. കഴിഞ്ഞ പുതുവർഷ ദിനത്തിലും ഇരുവരും തമ്മിൽ സംഘർഷമുണ്ടായിരുന്നു, ഇതിന് മുന്പും കിരൺ ദിനേശനെ കൊലപ്പെടുത്താൻ ശ്രമിച്ചിരുന്നു, എന്നാൽ ഈ ശ്രമം പരാജയപ്പെട്ടു. ഒടുവിൽ നീണ്ട തയ്യാറെടുപ്പിന് ഒടുവിലാണ് കിരൺ ദിനേശനെ കൊലപ്പെടുത്തിയത്. വീടിന് പിന്നിൽ വൈദ്യുത കമ്പി കെട്ടി കെണി ഒരുക്കിയായിരുന്നു ദിനേശനെ കൊലപ്പെടുത്തിയത്. പ്രതി കിരണിനും മാതാപിതാക്കളായ കുഞ്ഞുമോൻ, അശ്വമ്മ എന്നിവർക്കെതിരെയാണ് കൊലക്കുറ്റത്തിന് പോലീസ് കേസ് എടുത്തിരിക്കുന്നത്.
