കൊച്ചി: ക്രിസ്മസ് അവധിക്കാലത്തെ തിരക്ക് മുൻനിർത്തി പ്രഖ്യാപിച്ച സ്പെഷ്യൽ ട്രെയിൻ സർവീസ് ഇന്ന് രാത്രി ബെംഗളൂരുവിൽ നിന്ന് കേരളത്തിലേക്ക് പുറപ്പെടും. യാത്രക്കാരുടെ തിരക്കും നിരന്തര ആവശ്യങ്ങളും പരിഗണിച്ചാണ് കഴിഞ്ഞദിവസം സ്പെഷ്യൽ ട്രെയിനുകൾ പ്രഖ്യാപിച്ചത്. വളരെപെട്ടന്ന് തന്നെ ടിക്കറ്റുകളെല്ലാം വിറ്റഴിഞ്ഞു.
രാത്രി 11 മണിയ്ക്കാണ് എസ്എംവിടി ബെംഗളൂരുവിൽ നിന്ന് തിരുവനന്തപുരം നോർത്തിലേക്ക് പുറപ്പെടുന്നത്. 0 6 0 5 7 എസ് എം വി ടി ബെംഗളൂരു – തിരുവനന്തപുരം നോർത്ത് (കൊച്ചുവേളി) എക്സ്പ്രസ് സ്പെഷ്യൽ 11:00 മണിയ്ക്ക് പുറപ്പെട്ട് നാളെ വൈകീട്ട് 04:30 നാണ് കൊച്ചുവേളിയിലെത്തുക. ഒരു എസി ഫസ്റ്റ് ക്ലാസ് കോച്ച്, രണ്ട് എസി ടു ടയർ കോച്ചുകൾ, മൂന്ന് എസി ത്രീ ടയർ കോച്ചുകൾ, ആറ് സ്ലീപ്പർ ക്ലാസ് കോച്ചുകൾ, നാല് ജനറൽ സെക്കൻഡ് ക്ലാസ് കോച്ചുകൾ എന്നിവയാണുള്ളത്.
