വെസ്റ്റ് ഇന്‍ഡീസിനെതിരായ രണ്ടാം ടെസ്റ്റിലും വിജയിച്ചതോടെ ലോക ടെസ്റ്റ് ചാമ്പ്യന്‍ഷിപ്പ് പോയിന്റ് പട്ടികയില്‍ ഇംഗ്ലണ്ടിന് മുന്നേറ്റം.12 മത്സരങ്ങളില്‍ നിന്ന് അഞ്ച് ജയവും ആറ് തോല്‍വിയും ഒരു സമനിലയുമുള്ള ഇംഗ്ലണ്ട് പോയിന്റ് ടേബിളില്‍ ആറാം സ്ഥാനത്തേയ്ക്ക് ഉയര്‍ന്നു.പോയിന്റ് പട്ടികയില്‍ ഇന്ത്യയാണ് ഒന്നാം സ്ഥാനത്തുള്ളത്. ഒമ്പത് മത്സരങ്ങള്‍ കളിച്ച ഇന്ത്യന്‍ ടീം ആറില്‍ വിജയം നേടി.
241 റണ്‍സിന്റെ കനത്ത തോല്‍വി വഴങ്ങിയ വെസ്റ്റ് ഇന്‍ഡീസ് ഒമ്പതാം സ്ഥാനത്തായി.ലോക ടെസ്റ്റ് ചാമ്പ്യന്‍ഷിപ്പില്‍ ഇംഗ്ലണ്ടിന് ഇനി 10 മത്സരങ്ങളാണ് അവശേഷിക്കുന്നത്.ഇത്തവണ ഫൈനല്‍ കളിക്കാന്‍ ഇംഗ്ലണ്ടിന് ഇനിയും മികച്ച വിജയങ്ങള്‍ അനിവാര്യമാണ്.
