ആലപ്പുഴ: ചേര്‍ത്തല താലൂക്കിലെ പെരുമ്പളം എല്‍ പി സ്‌കൂളിലെ അഞ്ചു കുട്ടികള്‍ക്ക് മുണ്ടിനീര് ബാധിച്ചതിനെത്തുടര്‍ന്ന് സ്‌കൂളിന് അവധി നല്‍കി ജില്ലാ കളക്ടര്‍. ജനുവരി ഒന്‍പതു മുതല്‍ 21 ദിവസത്തേക്കാണ് അവധി നല്‍കിയിരിക്കുന്നത്. മുണ്ടിനീരിന്റെ ഇന്‍ക്യുബേഷന്‍ പിരീഡ് 21 ദിവസം വരെ ആയതിനാല്‍ കൂടുതല്‍ വിദ്യാര്‍ഥികള്‍ക്ക് രോഗം പടര്‍ന്നു പിടിക്കുന്നത് ഒഴിവാക്കാനാണ് നടപടി.
വിദ്യാലയങ്ങളില്‍ മുണ്ടിനീര് പടര്‍ന്നു പിടിക്കാതിരിക്കുന്നതിനുള്ള മുന്‍കരുതല്‍ നടപടികള്‍ ആരോഗ്യ തദ്ദേശ സ്വയംഭരണ വകുപ്പുകളുമായി ചേര്‍ന്ന് നടത്തണമെന്നും ഉത്തരവില്‍ നിര്‍ദ്ദേശിച്ചു. ഉമിനീര്‍ ഗ്രന്ഥികളെ, പ്രത്യേകിച്ച് പരോട്ടിഡ് ഗ്രന്ഥികളെ ബാധിക്കുന്ന ഒരു പകര്‍ച്ചവ്യാധി വൈറല്‍ അണുബാധയാണ് മുണ്ടിനീര്.
