സ്വർണ വില മുന്നോട്ട്; പവന് കൂടിയത് 160 രൂപ

സംസ്ഥാനത്ത് സ്വർണ വിലയിൽ വർധന. പവന് 160 രൂപയും ഗ്രാമിന് 20 രൂപയുമാണ് ഇന്ന് വർധിച്ചത്. ഒരു പവൻ സ്വർണത്തിന് 64,360 രൂപയും ഗ്രാമിന് 8045 രൂപയുമായുമാണ് ഇന്നത്തെ വിപണി നിരക്ക്. ഇന്നലെ പവന് 64,200 രൂപയും ഗ്രാമിന് 8025 രൂപയുമായിരുന്നു വില. 18 കാരറ്റ് സ്വർണ വിലയിലും വർധനയുണ്ട്. ഗ്രാമിന് 15 രൂപ കൂടി 6620 രൂപയായി. വെള്ളി വിലയിൽ ഇന്ന് ഒരു രൂപ കുറഞ്ഞു. ഗ്രാമിന് 107 രൂപയിലാണ് വ്യാപാരം.