സംസ്ഥാനത്ത് സ്വർണ്ണ വിലയിൽ താഴ്ച്ച. ഗ്രാമിന് 25 രൂപയും പവന് 200 രൂപയുമാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ വില 8,285 രൂപയും ഒരു പവൻ സ്വർണ്ണത്തിന് 66,280 രൂപയുമാണ്. ഇത്തരത്തിൽ മൂന്ന് ദിവസം കൊണ്ട് പവന് 2,200 രൂപയും, ഗ്രാമിന് 275 രൂപയുമാണ് സംസ്ഥാനത്ത് വില താഴ്ന്നിരിക്കുന്നത്. കേരളത്തിലെ വെള്ളി വിലയിൽ ഇന്ന് താഴ്ച്ചയുണ്ട്.
ഒരു കിലോ വെള്ളിക്ക് 100 രൂപ താഴ്ന്ന് 1,02,900 രൂപ എന്നതാണ് നിരക്ക്. ഒരു ഗ്രാം വെള്ളിക്ക് 102.90 രൂപ, 8 ഗ്രാമിന് 823.20 രൂപ, 10 ഗ്രാമിന് 1,029 രൂപ, 100 ഗ്രാമിന് 10,290 രൂപ എന്നിങ്ങനെയാണ് വില നിലവാരം. നിലവിൽ രാജ്യാന്തര വിലയിലുണ്ടായ താഴ്ച്ചയാണ് കേരളത്തിലും സ്വർണ്ണ വില കുറയാൻ കാരണം. ആഗോള സ്വർണ്ണ വില ഇപ്പോൾ ട്രോയ് ഔൺസിന് 3,025.87 ഡോളർ എന്ന നിരക്കിലാണ് വ്യാപാരം നടത്തുന്നത്.
