കൊച്ചി: സംസ്ഥാനത്ത് സ്വർണ വില വീണ്ടും ഉയർന്നു. വിലയിൽ നേരിയ വർധനവാണ് ഉണ്ടായിരിക്കുന്നത്. ഒരു പവൻ സ്വർണത്തിന് ഇന്ന് 80 രൂപയാണ് കൂടിയത്. തുടർച്ചായി മൂന്ന് ദിവസം മാറ്റമില്ലാതെ തുടർന്ന സ്വർണ വില കഴിഞ്ഞ ദിവസമാണ് കുറഞ്ഞത്. 80 രൂപ കുറഞ്ഞ് 56,720 രൂപ നിരക്കിലാണ് കഴിഞ്ഞ ദിവസം സ്വർണ വ്യാപാരം നടന്നത്. എന്നാൽ, ഇന്ന് 80 രൂപ വർധിച്ച് ഒരു പവന് 56,800 എന്ന നിരക്കിലാണ് വ്യാപാരം പുരോഗമിക്കുന്നത്.
ഡിസംബർ 11, 12 തീയതികളിൽ ആണ് സംസ്ഥാനത്ത് ഈ മാസത്തെ ഏറ്റവും ഉയർന്ന സ്വർണ നിരക്ക് രേഖപ്പെടുത്തിയത്. 58,280 രൂപ എന്ന നിരക്കിലായിരുന്നു ഈ ദിവസങ്ങളിൽ സ്വർണ വ്യാപാരം നടന്നത്. ഈ മാസത്തെ ഏറ്റവും കുറഞ്ഞ നിരക്ക് രേഖപ്പെടുത്തിയത് ഡിസംബർ 20-നാണ്. അന്ന് 56320 രൂപയായിരുന്നു ഒരു പവന് സ്വർണത്തിന്റെ വില. തുടർന്ന്, സ്വർണവില ഉയർന്നെങ്കിലും കാര്യമായ വർദ്ധനവ് ഇതുവരെ ഉണ്ടായിട്ടില്ല.
