ജനുവരി 10ന് ബോളിവുഡിന്റെ എക്കാലത്തെയും എവർഗ്രീൻ ഹിറ്റായ കഹോ നാ പ്യാര്‍ ഹേ റീ റിലീസിന് . അന്നേദിവസം തന്നെ ചിത്രം റിലീസ് ചെയ്തിട്ട് 25 വര്‍ഷം പൂര്‍ത്തിയാകുകയാണ്. ഹൃത്വിക് റോഷന്റെ ജന്മദിനത്തോടനുബന്ധിച്ച് ചിത്രം വീണ്ടും റിലീസ് ചെയ്യുകയാണെന്ന് പിവിആര്‍ ഐനോക്‌സ് അറിയിച്ചു. ഹൃത്വിക് റോഷന്റെ ആദ്യ ചിത്രം കൂടിയാണ് കഹോ നാ പ്യാര്‍ ഹേ. ചിത്രത്തിനോടൊപ്പം തന്നെ ഇതിലെ പാട്ടുകളും ഹിറ്റായി മാറി.
അമീഷ പട്ടേലിന്റെയും അരങ്ങേറ്റ ചിത്രം കൂടിയായിരുന്നു ഇത്. അനുപം ഖേര്‍, ഫരീദ ജലാല്‍, സതീഷ് ഷാ, മൊഹ്‌നിഷ് ബാല്‍, ദലിപ് താഹില്‍, ആശിഷ് വിദ്യാര്‍ഥി, വ്രജേഷ് ഹിര്‍ജി എന്നിവര്‍ ചിത്രത്തില്‍ പ്രധാന വേഷങ്ങള്‍ ചെയ്തു.കഹോ ന പ്യാര്‍ ഹേ എന്റെ ആദ്യ ചിത്രമായിരുന്നു. എന്റെ ഹൃദയത്തില്‍ ഏപ്പോഴും ഒരു വലിയ സ്ഥാനമുണ്ടാകും. ചിത്രം വീണ്ടും തിയേറ്ററില്‍ എത്തിച്ചുകൊണ്ട് ഈ ആഘോഷം സംഘടിപ്പിക്കുന്നതിന് പിവിആര്‍ ഐനോക്‌സിന് നന്ദി പറയുന്നു, ഹൃത്വിക് പറഞ്ഞു.25 വര്‍ഷങ്ങള്‍ക്ക് ശേഷവും ഒരു സിനിമ ആഘോഷിക്കപ്പെടുന്നത് ഏറ്റവും മഹത്തായ കാര്യമാണെന്ന് നിര്‍മാതാവ് രാകേഷ് റോഷന്‍ പറഞ്ഞു.
