കെഎസ്ആര്‍ടിസി യാത്രക്കാര്‍ക്ക് ടിക്കറ്റ് ബുക്കിങ് സുഗമമാക്കുന്നതിനായി പരിഷ്‌ക്കരിച്ച ഓണ്‍ലൈന്‍ വെബ്‌സൈറ്റും മൊബൈല്‍ ആപ്ലിക്കേഷന്റെയും പരിഷ്‌ക്കരിച്ച പതിപ്പ് പുറത്തിറക്കി. ഗതാഗതമന്ത്രി കെ ബി ഗണേഷ്‌കുമാറാണ് പതിപ്പ് പ്രസീദ്ധികരിച്ചത്. www.onlineksrtcswift.com എന്ന വെബ്‌സൈറ്റും ENDE KSRTC NEO OPRS മൊബൈല്‍ ആപ്പുമാണ് പുറത്തിറക്കിയത്.
യുപിഐ ആപ് വഴി വളരെ വേഗത്തില്‍ ടിക്കറ്റ് ലഭ്യമാകും. യാത്രചെയ്യേണ്ട സ്റ്റേഷനുകള്‍ കണ്ടെത്താനും സ്റ്റേഷനുകളിലേക്കുള്ള ബസുകള്‍ വേഗം തിരയാനും പുതിയ വെബ്‌സൈറ്റിലും ആപ്പുവഴിയും കഴിയും. യാത്രക്കാര്‍ക്ക് എളുപ്പം മനസിലാകുന്ന തരത്തിലുള്ളതാണ് ഹോംപേജ്. മാന്‍ഡിസ് ടെക്നോളജിയാണ് പുതുക്കിയ വെബ്‌സൈറ്റും മൊബൈല്‍ ആപ്പും.
