ദില്ലി: മെഡിക്കൽ പ്രവേശനത്തിനുള്ള നീറ്റ് യുജി പരീക്ഷ ഈ വർഷവും പഴയ രീതിയിൽ തന്നെ. ഒരു ദിവസം ഒറ്റ ഷിഫ്റ്റ് ആയി നടത്തുന്ന പരീക്ഷയിൽ ഒഎംആർ രീതി തന്നെ പിൻതുടരുമെന്ന് ദേശീയ പരീക്ഷ ഏജൻസി അറിയിച്ചു. ദേശീയ മെഡിക്കൽ കമ്മീഷന്റെ നിർദ്ദേശപ്രകാരമാണ് തീരുമാനം.
കഴിഞ്ഞവർഷത്തെ പരീക്ഷയെ സംബന്ധിച്ച് വ്യാപക ക്രമക്കേട് ഉയർന്ന സാഹചര്യത്തിൽ ഇത്തവണ പരീക്ഷ രീതിയിൽ മാറ്റം വരുമെന്നായിരുന്നു പുറത്തു വന്നിരുന്ന റിപ്പോർട്ടുകൾ. പരീക്ഷ നടത്തിപ്പ് സുതാര്യമാക്കുവാൻ നിർദ്ദേശങ്ങൾ സമർപ്പിച്ച ഡോ. കെ രാധാകൃഷ്ണൻ കമ്മിറ്റിയും ഓൺലൈനിൽ പരീക്ഷ നടത്താനുള്ള ശുപാർശ നൽകിയിരുന്നു.
