യു.എസ്. പ്രസിഡന്റ് ഡൊണാള്‍ഡ് ട്രംപിന്റെ ഭാര്യ മെലാനിയ ട്രംപിന്റെ നഗ്നചിത്രം പ്രദര്‍ശിപ്പിച്ച് റഷ്യന്‍ വാര്‍ത്താമാധ്യമം. റഷ്യന്‍ സര്‍ക്കാര്‍ നിയന്ത്രണത്തിലുള്ള റഷ്യ- നെറ്റ്‌വര്‍ക്ക് എന്ന വാര്‍ത്താചാനലിന്റെ ’60 മിനിറ്റ്‌സ്’ എന്ന പരിപാടിയിലാണ് മെലാനിയയുടെ നഗ്ന- അര്‍ധനഗ്നചിത്രങ്ങള്‍ പ്രദര്‍ശിപ്പിച്ചത്.
യു എസ് തെരഞ്ഞെടുപ്പിൽ ട്രംപിന്റെ വിജയത്തിന് പിന്നാലെയാണ് ‘മെലാനിയയുടെ ഭര്‍ത്താവ് വിജയിച്ചിരിക്കുന്നു. അവര്‍ വൈറ്റ് ഹൗസിലേക്ക് തിരിച്ചെത്താനൊരുങ്ങുകയാണ്. 2000-ന് മുമ്പ് മെലാനിയ എങ്ങനെയായിരുന്നുവെന്ന് ഇനി കാണാം. ജി.ക്യു. മാസികയുടെ കവറാണ് ഇത്’ എന്ന മുഖവുരയോടെ മോഡലായിരുന്ന മെലാനിയയുടെ പഴയ ചിത്രങ്ങള്‍ അവതാരകൻ പ്രദർശിപ്പിച്ചത്. മെലാനിയ 2000-ല്‍ ജി.ക്യു. മാഗസിന് വേണ്ടി ചെയ്ത ഫോട്ടോഷൂട്ടിന്റെ ചിത്രങ്ങളായിരുന്നു ഇത്.
എഴുത്തുകാരി ജൂലിയ ഡേവിസ് ഈ ദൃശ്യം എക്‌സില്‍ പങ്കുവച്ചു. തുടർന്ന് ചാനലിന്റെ നടപടിക്കെതിരെ വലിയ വിമർശനങ്ങൾ സാമൂഹികമാധ്യമങ്ങളിലൂടെ ഉയർന്ന് വന്നു. ട്രംപിനേയും ഭാര്യയേയും പരിഹസിക്കുകയാണ് ചാനൽ എന്ന അഭിപ്രായ പ്രകടനങ്ങൾ ഉണ്ടായി.
