തമിഴ്‌നാട് : പുതിയ പാമ്പന്‍പാലത്തിന്റെ ഉദ്ഘാടനം നിർവഹിക്കാൻ പ്രധാന മന്ത്രി നരേന്ദ്രമോദി തമിഴ്‌നാട്ടിലേക്ക്. ഏപ്രിൽ 6ന് ആകും പ്രധാനമന്ത്രി തമിഴ്‌നാട്ടിലേക്ക് എത്തുക. മുഖ്യമന്ത്രി എംകെ സ്റ്റാലിന്‍, ഗവര്‍ണര്‍ ആര്‍എന്‍ രവി, കേന്ദ്ര റെയില്‍വേ മന്ത്രി അശ്വിനി വൈഷ്ണവ് ഉള്‍പ്പെടെയുള്ളവര്‍ ചടങ്ങില്‍ പങ്കെടുക്കുമെന്നാണ് പുറത്തുവരുന്ന റിപ്പോര്‍ട്ടുകള്‍.
അന്നേദിവസം തന്നെ നരേന്ദ്ര മോദി രാമനാഥസ്വാമി ക്ഷേത്രത്തില്‍ ദര്‍ശനം നടത്തുമെന്നും വിവരമുണ്ട്. രാമേശ്വരത്തെയും പാമ്പൻ ദ്വീപിനെയും ബന്ധിപ്പിക്കുന്നതാണ് പാമ്പൻ പാലം . കപ്പലുകൾ കടന്നുപോകാന്‍ സാധിക്കുന്ന തരത്തില്‍ ഹൈഡ്രോളിക് ലിഫ്റ്റിംഗിലൂടെ പാലത്തെ ഉയര്‍ത്താനും സാധിക്കും.1914ല്‍ നിര്‍മ്മിച്ച പഴയ പാലത്തില്‍ അറ്റകുറ്റപ്പണികള്‍ അസാധ്യമായതിന് പിന്നാലെയാണ് പുതിയ പാലം നിര്‍മ്മിച്ചത്.
