പുതുച്ചേരി : ആശവർക്കർമാരുടെ ഓണറേറിയം 18,000 രൂപയാക്കി ഉയർത്താൻ പുതുച്ചേരി സർക്കാർ. നിലവിൽ പുതുച്ചേരിയിൽ 10,000 രൂപയാണ് ആശമാർക്ക് ലഭിക്കുന്നത്. ഇതിൽ 7000 സംസ്ഥാനവും 3000 കേന്ദ്രവിഹിതവുമാണ്. ഇൻസെന്റീവിന് പുറമെയുള്ള തുകയാണിത് . സംസ്ഥാനത്താകെ 328 ആശ വർക്കർമാരാണുള്ളത്.
പ്രതിഫലം ഉയർത്തണമെന്ന ആശമാരുടെ ആവശ്യം സർക്കാർ അംഗീകരിച്ചതായി മുഖ്യമന്ത്രി എൻ രംഗസ്വാമിയാണ് അറിയിച്ചത്. അതേസമയം കേരളത്തിൽ സമരം നടത്തുന്നതിന്റെ എഫക്ടിലാണ് പുതുച്ചേരി സർക്കാരിന്റെ നീക്കത്തെ കാണുന്നതെന്ന് കേരളത്തിൽ സമരത്തിലിരിക്കുന്ന ആശാവർക്കർമാർ പറഞ്ഞു. സമരം ഇന്ന് 47 ദിവസത്തിലേക്കും നിരാഹാര സമരം എട്ടാം ദിവസത്തിലേക്കും കടന്നു.
