ഇന്ത്യന്‍ സിനിമയില്‍ വൻ വിജയമായി മാറിയ പുഷ്പ 2 ന്റെ കണക്കുകൾ പുറത്ത് വിട്ട് നിർമ്മാതാക്കൾ. ജനുവരി 6 ന് ചിത്രത്തിന്‍റെ നിര്‍മ്മാതാക്കള്‍ പുറത്തുവിട്ട കണക്ക് പ്രകാരം പുഷ്പ 2 ബാഹുബലി 2 നെ പിന്തള്ളി ഇന്ത്യന്‍ സിനിമയിലെ തന്നെ എക്കാലത്തെയും വലിയ രണ്ടാമത്തെ ഹിറ്റ് എന്ന സ്ഥാനം നേടി. ജനുവരി 30 ന് ചിത്രം ഒടിടിയിലും സ്ട്രീമിംഗ് ആരംഭിച്ചിരുന്നു. എന്നാല്‍ ചിത്രത്തിന്‍റെ കളക്ഷന്‍ അവിടെയും അവസാനിച്ചിരുന്നില്ലെന്നാണ് നിര്‍മ്മാതാക്കള്‍ പുറത്തുവിട്ട പുതിയ കണക്ക് വ്യക്തമാക്കുന്നത്.
ജനുവരി 6 ന് പുറത്തുവിട്ട കണക്ക് പ്രകാരം പുഷ്പ 2 ന്റെ ആഗോള ബോക്സ് ഓഫീസ് കളക്ഷന്‍ 1831 കോടി ആയിരുന്നെങ്കില്‍ ഇന്ന് പുറത്തുവിട്ടിരിക്കുന്ന കണക്ക് പ്രകാരം അത് 1871 കോടിയായി കൂടിയിട്ടുണ്ട്.സമീപകാല ഇന്ത്യന്‍ സിനിമയില്‍ ഏറ്റവും വലിയ പ്രീ റിലീസ് ഹൈപ്പുമായി എത്തിയ സിനിമയായിരുന്നു പുഷ്പ 2. അതിന് കാരണം ആദ്യ ഭാഗം നേടിയ വന്‍ ജനപ്രീതി തന്നെയായിരുന്നു.
വന്‍ ഹൈപ്പുമായി എത്തുന്ന ചിത്രങ്ങള്‍ക്ക് ഏത് തരം പ്രേക്ഷകവിധിയും ലഭിക്കാം. എന്നാല്‍ പുഷ്പ 2 ന് അത് മിക്ക മാര്‍ക്കറ്റുകളിലും പോസിറ്റീവ് ആയിരുന്നു. ഇതോടെ ചിത്രം കുതിച്ച് റെക്കോർഡ് തരത്തിലേക്ക് കടന്നു. പ്രത്യേകിച്ചും ഉത്തരേന്ത്യന്‍ മാര്‍ക്കറ്റില്‍. തെന്നിന്ത്യയിലേതിനേക്കാള്‍ ചിത്രം വിജയിച്ചത് ഉത്തരേന്ത്യന്‍ മാര്‍ക്കറ്റിലാണ്. ഒടിടിയിലും ചിത്രം വന്‍ ഹിറ്റായി മാറിയിരിക്കുകയാണ്. ചിത്രത്തിന്‍റെ സംവിധായകന്‍ സുകുമാര്‍ ആണ്.അതേസമയം ഇന്ത്യന്‍ സിനിമയിലെ എക്കാലത്തെയും ഏറ്റവും ഉയര്‍ന്ന കളക്ഷന്‍ നേടി പട്ടികയിൽ ആദ്യ സ്ഥാനത്ത് നിലയുറപ്പിച്ചിരിക്കുന്നത് ആമിര്‍ ഖാന്‍ നായകനായ ചിത്രം ദംഗല്‍ ആണ്. 2024.6 കോടിയാണ് ചിത്രത്തിന്‍റെ ആഗോള ഫൈനല്‍ ഗ്രോസ്.
