ഫഹദ് ഫാസിലിന്റെ വരാനിരിക്കുന്ന മലയാള സിനിമയായ ഓടും കുതിര ചാടും കുതിരയുടെ റിലീസ് തിയതി ഔദ്യോഗികമായി പുറത്ത് വന്നിരിക്കുന്നു. ഞണ്ടുകളുടെ നാട്ടിൽ ഒരിടവേള ഒരുക്കിയ അൽത്താഫ് സലീമിന്റെ സംവിധാനത്തിൽ ഒരുങ്ങുന്ന ഫഹദ് ഫാസിൽ ചിത്രം ആയതിനാൽ പ്രതീക്ഷകൾ ഏറെയാണ്. സിനിമ മെയ് 16ന് തിയറ്ററുകളിലെത്തുമെന്നാണ് പുറത്ത് വരുന്ന വിവരം.
ഫഹദ് അവസാനമായി ശ്രദ്ധേയമായ ഒരു കഥാപാത്രത്തെ അവതരിപ്പിച്ചത് തമിഴ് സിനിമ വേട്ടയ്യൻയിലാണ്. രജനികാന്ത് നായകനായ ഈ ചിത്രത്തിൽ ഫഹദിന്റെ പ്രകടനം മികച്ച പ്രതികരണം നേടിയിരുന്നു. ചിത്രത്തിലെ അദ്ദേഹത്തിന്റെ ഒരു ബിടിഎസ് വീഡിയോ സോഷ്യൽ മീഡിയയിൽ ശ്രദ്ധ പിടിച്ചു പറ്റുകയും ചെയ്തു.
വേട്ടയ്യൻ യു/എ സർട്ടിഫിക്കേറ്റ് നേടിയ ചിത്രമാണ്. ടി.ജെ. ജ്ഞാനവേൽ സംവിധാനം ചെയ്ത സിനിമയുടെ ഛായാഗ്രഹണം എസ്.ആർ. കതിര്‍. രജനികാന്ത് ഫഹദിനു പുറമേ മഞ്ജു വാര്യർ, അമിതാഭ് ബച്ചൻ, റാണ ദഗ്ഗുബാട്ടി, ശർവാനന്ദ്, ജിഷു സെൻഗുപ്ത, അഭിരാമി, രീതിക സിംഗ്, ദുഷാര വിജയൻ, രാമയ്യ സുബ്രഹ്മണ്യൻ, കിഷോർ, റെഡ്ഡിൻ കിങ്സ്ലി, രവി മരിയ, റാവു രമേശ്, രാഘവ് ജൂയാൽ, രമേശ് തിലക്, ഷാജി ചെൻ, രക്ഷൻ, ജി.എം. സുന്ദർ, സാബുമോൻ അബ്ദുസമദ്, ഷബീർ കല്ലറക്കൽ, ബി.എസ്. അവിനാശ്, വിനോദ് സാഗർ, അരുള്‍ ഡി, അരുവി ബാല എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിച്ചത്.
