തിരുവനന്തപുരം: തിരുവനന്തപുരത്ത് സ്കൂൾ വിദ്യാർത്ഥിക്ക് ആറംഗസംഘത്തിന്റെ മർദനം. പൂവച്ചൽ സ്വദേശി ഫഹദ് (18) നെയാണ് മർദിച്ചത്. സ്കൂളിലെ ലഹരി ഉപയോഗത്തെക്കുറിച്ച് ഫഹദ് അധികൃതരോട് പരാതി പറഞ്ഞിരുന്നു. ഇതിന് പിന്നാലെയാണ് കാറിലെത്തിയ ആറംഗസംഘം ഫഹദിനെ മർദിച്ചത്.
തുടർന്ന് ഫഹദിന്റെ കുടുംബം പോലീസിൽ പരാതി നൽകി. അജ്മൽ, ജിസം, സലാം, അൽത്താഫ്, തൗഫീഖ്, ആലിഫ് എന്നിവർക്കെതിരെ കാട്ടാക്കട പോലീസ് കേസെടുത്ത് അന്വേഷണം ആരംഭിച്ചു.
