കൊല്ലം: ശാസ്താംകോട്ടയില്‍ വിദ്യാര്‍ത്ഥികളെ മരിച്ച നിലയില്‍ കണ്ടെത്തി. ശാസ്താംകോട്ട തടാക തീരത്ത് ഇന്ന് രാവിലെയാണ് മൃതദേഹം കണ്ടെത്തിയത്. പൂയപ്പള്ളി മൈലോട് ദൈവനികേതത്തില്‍ ദേവ നന്ദ(17), അമ്പലംകുന്ന ചെങ്ങൂര്‍ തെക്കുംകര വീട്ടില്‍ ഷെഹിന്‍ഷാ(17) എന്നിവരാണ് മരിച്ചത്.
ഇവരെ വ്യാഴാഴ്ച രാവിലെ മുതല്‍ കാണാനില്ലായിരുന്നു. വീട്ടുകാരുടെ പരാതിയെ തുടര്‍ന്ന് പോലീസ് വ്യാപക അന്വേഷണം നടത്തുന്നതിനിടെയാണ് മൃതദേഹങ്ങള്‍ കണ്ടെത്തിയത്. പൊലീസ് എത്തി മൃതദേഹങ്ങള്‍ താലൂക്ക് ആശുപത്രി മോര്‍ച്ചറിയിലേക്ക് മാറ്റി. പൂയപ്പള്ളി പോലീസ് അന്വേഷണം ആരംഭിച്ചിട്ടുണ്ട്.
