എച്ച്എംപിവി ശൈത്യകാലത്ത് ഉണ്ടാകുന്ന സ്വാഭാവിക അണുബാധയെന്ന് ലോകാരോഗ്യ സംഘടന

എച്ച്എംപിവി വ്യാപനത്തില്‍ ആശങ്കപ്പെടേണ്ടതില്ലെന്ന് ലോകാരോഗ്യ സംഘടന. ചൈനയിൽ നിലവിൽ ശൈത്യകാലത്ത് സ്വാഭാവികമായി ഉണ്ടാകുന്ന ശ്വാസകോശ അണുബാധ മാത്രമേ റിപ്പോര്‍ട്ട് ചെയ്തിട്ടുള്ളുവെന്നും ലോകാരോഗ്യ സംഘടന വ്യക്തമാക്കി. 2024 ഡിസംബര്‍ 29 കാലയളവില്‍ ചൈന പ്രസിദ്ധീകരിച്ച വിവരങ്ങള്‍ പ്രകാരം വടക്കന്‍ പ്രവിശ്യകളില്‍ സീസണല്‍ ഇന്‍ഫ്ളുവന്‍സ, എച്ച് എം പി വി, റൈനോ വൈറസ്, ആര്‍ എസ് വി എന്നിവ കൂടിയിട്ടുണ്ട്. എന്നാൽ അസാധാരണ രീതിയില്‍ എച്ച് എം പി വൈറസ് ബാധ ചൈനയിൽ റിപ്പോര്‍ട്ട് ചെയ്തിട്ടില്ലെന്നും ലോകാരോഗ്യ സംഘടന വ്യക്തമാക്കി.