തിരുവനന്തപുരം: മംഗലപുരത്ത് നിന്ന് തട്ടിക്കൊണ്ടുപോയ പതിനഞ്ചുകാരനെ കണ്ടെത്തിയതായി പൊലീസ് അറിയിച്ചു. കുട്ടിയെ കണ്ടെത്തിയത് ആറ്റിങ്ങലിൽ വെച്ചാണ്. കീഴാറ്റിങ്ങലിൽ റബർ തോട്ടത്തിൽ തടഞ്ഞുവെച്ചിരുന്ന ആഷിഖിനെ പിൻതുടർന്ന് എത്തിയ പൊലീസാണ് രക്ഷപ്പെടുത്തിയത്.
സംഭവത്തിൽ രണ്ടു പേർ പിടിയിലായി. സംഘത്തിലുണ്ടായിരുന്ന മറ്റുള്ളവർ ഓടി രക്ഷപ്പെടുകയും ചെയ്തു. കാറിലെത്തിയ സംഘം രാത്രി 7:45 ഓടുകൂടിയാണ് ആഷിഖിനെ തട്ടിക്കൊണ്ടുപോയത്. സംഭവത്തിൽ ബന്ധുക്കൾ മംഗലപുരം പൊലീസിൽ പരാതി നൽകി. തുടർന്ന് നടത്തിയ കേസന്വേഷണത്തിലാണ് കുട്ടിയെ കണ്ടെത്തിയത്.
