കേന്ദ്രസർക്കാർ ജീവനക്കാർക്ക് ക്ഷാമബത്തയിൽ 2 ശതമാനത്തിൻ്റെ വർധന

ന്യൂഡൽഹി: ജീവനക്കാരുടെയും പെൻഷൻകാരുടെയും ക്ഷാമ ബത്ത ഉയർത്തി കേന്ദ്ര സർക്കാർ. 53% ൽ നിന്ന് 55 ശതമാനമായാണ് ഡിഎ ഉയർത്തിയത്. 48.66 ലക്ഷം വരുന്ന കേന്ദ്ര സർക്കാർ ജീവനക്കാർക്കും, 66.55 ലക്ഷം വരുന്ന കേന്ദ്ര സർവീസ് പെൻഷൻകാർക്കും ഇതിന്റെ നേട്ടം ലഭിക്കും. 2025 ജനുവരി ഒന്ന് മുതൽ മുൻകാല പ്രാബല്യത്തോടെയാണ് 2 ശതമാനം ഡിഎ വർധന നടപ്പാക്കുന്നത്.