ഒമ്പത് വയസ്സുകാരിയെ കോമയിലായ വാഹനാപകടത്തിലെ പ്രതി പിടിയിൽ. അപകടത്തിന് ശേഷം പ്രതി വാഹനം നിര്‍ത്താതെ രക്ഷപ്പെടുകയായിരുന്നു.ലുക്കൗട്ട് സർക്കുലർ നിലവിലുള്ളതിനാൽ ആണ് ഇയാളെ എയർപോർട്ടിൽ വെച്ച് പിടികൂടിയത്. പുറമേരി സ്വദേശി ഷെജിലിനെ കോയമ്പത്തൂർ വിമാനത്താവളത്തിൽ നിന്നും പിടികൂടിയത് . അപകടത്തിൽ പരുക്കേറ്റ കുട്ടി ഗുരുതര പരിക്കേറ്റ് കോഴിക്കോട് മെഡിക്കൽ കോളേജിൽ കോമ അവസ്ഥയിൽ തുടരുകയാണ് .
9 വയസ്സുകാരി ദൃഷാനയാണ് കോമയിൽ തുടരുന്നത്
കുട്ടിയെ ഇടിച്ചിട്ട് നിർത്താതെ പോയ വാഹനം അപകടം നടന്ന് ഒമ്പത് മാസത്തിന് ശേഷമാണ് പൊലീസ് കണ്ടെത്തിയത്. അപകടത്തിന് ശേഷം പ്രതി വാഹനം നിര്‍ത്താതെ രക്ഷപ്പെടുകയായിരുന്നു. തുടര്‍ന്ന് മാര്‍ച്ച് 14ന് പ്രതി വിദേശത്തേക്ക് കടന്നു. ഇന്‍ഷുറന്‍സ് ക്ലെയിം എടുത്തതാണ് അന്വേഷണത്തിന് വഴിത്തിരിവായത്. കാര്‍ മതിലില്‍ ഇടിച്ചെന്ന് വരുത്തിയാണ് പ്രതി ഇന്‍ഷുറന്‍സ് ക്ലെയിമിന് ശ്രമിച്ചത്. അപകടത്തിന് ശേഷം വാഹനത്തിന് രൂപമാറ്റം വരുത്തിയെന്നും പൊലീസ് കണ്ടെത്തി.
