മലയാളത്തിന്റെ സ്വന്തം സംവിധായകന്‍ അമല്‍ നീരദിന്റെ പുതിയ ചിത്രത്തിന്റെ വിശേഷങ്ങള്‍ കൊണ്ട് നിറയുകയാണ് സോഷ്യല്‍ മീഡിയ.
ചിത്രത്തിലെ പ്രധാന കഥാപാത്രങ്ങളെ പരിചയപ്പെടുത്തി കൊണ്ടുള്ള ക്യാരക്ടര്‍ പോസ്റ്ററുകള്‍ കഴിഞ്ഞ ദിവസമാണ് സംവിധായകന്‍ പങ്കുവെച്ചത്.
ഇപ്പോള്‍ ചിത്രത്തിന്റെ പേര് പ്രഖ്യാപിച്ചിരിക്കുകയാണ് അമല്‍ നീരദ്. ‘ബോഗയ്ന്‍വില്ല’ എന്നാണ് ചിത്രത്തിന്റെ ടൈറ്റില്‍.ചിത്രത്തിന്റെ ഓരോ അപ്‌ഡേറ്റിനും മികച്ച സ്വീകരണമാണ് ലഭിക്കുന്നത്.
തികഞ്ഞ സ്‌റ്റൈലിഷ് ആക്ഷന്‍ചിത്രമാണ് അണിയറയില്‍ ഒരുങ്ങുന്നതെന്നാണ് പോസ്റ്ററുകള്‍ നല്‍കുന്ന സൂചന. കുഞ്ചാക്കോ ബോബന്‍, ഫഹദ് ഫാസില്‍,ജ്യോതിര്‍മയി, ഷറഫുദീന്‍,വീണ നന്ദകുമാര്‍, ശ്രിന്ദ എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്.എന്താണ് ചിത്രത്തിന്റെ പ്രമേയം എന്നും മറ്റ് അണിയറ പ്രവര്‍ത്തകര്‍ ആരാണെന്നുമുള്ള കാര്യങ്ങള്‍ വൈകാതെ പുറത്തുവരും എന്നാണ് ആ ആരാധകരുടെ പ്രതീക്ഷ.
