ഡൽഹി നിയമസഭാ തെരഞ്ഞെടുപ്പ് പരാജയത്തിന് പിന്നാലെ ജനങ്ങള്‍ക്കും പ്രവര്‍ത്തകര്‍ക്കും നന്ദി അറിയിച്ച് ഡൽഹി മുൻ മുഖ്യമന്ത്രി അരവിന്ദ് കെജ്രിവാള്‍. വീഡിയോ സന്ദേശത്തിലൂടെയാണ് കെജ്രിവാള്‍ ജനങ്ങള്‍ക്കും നന്ദി അറിയിച്ചത്. ഒപ്പം തന്നെ കെജ്രിവാള്‍ ബിജെപിയെ അഭിനന്ദിക്കുകയും ചെയ്തു. ജനങ്ങള്‍ക്ക് നല്‍കിയ വാഗ്ദാനങ്ങള്‍ സഫലീകരിക്കാന്‍ ബിജെപി തയ്യാറാകുമെന്ന് പ്രതീക്ഷിക്കുന്നു.
കഴിഞ്ഞ 10 വര്‍ഷത്തിനിടയില്‍ ആരോഗ്യം, വിദ്യാഭ്യാസം, പശ്ചാത്തലവികസനം എന്നീ മേഖലകളില്‍ നിരവധി കാര്യങ്ങള്‍ ചെയ്യാന്‍ തങ്ങള്‍ക്ക് സാധിച്ചിട്ടുണ്ടെന്നും കെജ്രിവാള്‍ പറഞ്ഞു.മാത്രമല്ല തുടർന്നും ജനങ്ങളെ സേവിക്കുമെന്നും അദ്ദേഹം വീഡിയോയിലൂടെ വ്യക്തമാക്കി .ജനങ്ങളെ സേവിക്കുന്നതിനുള്ള ഒരു മാര്‍ഗമായാണ് രാഷ്ട്രീയത്തെ ഞങ്ങള്‍ കണ്ടിട്ടുള്ളതെന്നും കെജ്രിവാള്‍ കൂട്ടിച്ചേര്‍ത്തു.
