തിരുവനന്തപുരം: ആശാപ്രവർത്തകരുടെ വേതനം കൂട്ടുന്നതിനായി സമിതിയെ നിയോഗിക്കാനുള്ള തീരുമാനവുമായി മുന്നോട്ട് പോകുമെന്ന് ആരോഗ്യമന്ത്രി വീണ ജോർജ്ജ് . തൊഴിൽ മന്ത്രി വി ശിവൻകുട്ടിയുടെ ചേംബറിൽ നടത്തിയ ചർച്ച പൂർത്തിയായതിന് ശേഷം പ്രതികരിക്കുകായിരുന്നു വീണ ജോർജ് . ഇന്ന് നടത്തിയ ചർച്ചയിൽ ഓണറേറിയം വർധന അംഗീകരിക്കണം എന്ന് മന്ത്രിയോട് ആവശ്യപ്പെട്ടു എന്നും ആരോഗ്യമന്ത്രിയുമായി സംസാരിക്കാമെന്ന് മന്ത്രി വി ശിവൻകുട്ടി പറഞ്ഞതായി സമരമസമിതി പ്രവർത്തകർ വ്യക്തമാക്കി.
കൂടാതെ പഠന സമിതിയെ വെച്ച് പഠനം നടക്കുന്ന കാലാവധി ഒരു മാസമായി കുറയ്കാണാമെന്നും ഇവർ ആവശ്യപ്പെട്ടിരുന്നു . ഈ കാര്യങ്ങൾ അംഗീകരിച്ച് ഉത്തരവിറക്കിയാൽ സമരം അവസാനിപ്പിക്കുമെന്നും സമരസമിതി പറഞ്ഞിരുന്നു. അതേ സമയം സെക്രട്ടറിയേറ്റിന് മുന്നിൽ ആശാപ്രവർത്തകരുടെ രാപ്പകൽസമരം 57ാം ദിവസവും തുടരുകയാണ്.
