ബെംഗളൂരു: ഏഷ്യയിലെ ഏറ്റവും ഗതാഗതക്കുരുക്കുള്ള നഗരമായി ബംഗളൂരു. ഒരു സ്വകാര്യ ഏജൻസിയുടെ പഠനത്തിലാണ് ബംഗളൂരു നഗരം ഏഷ്യയിലെ തന്നെ ഏറ്റവും തിരക്കുള്ള നഗരമായി തെരഞ്ഞെടുത്തത്. പത്തു കിലോമീറ്റർ പിന്നിടാൻ ശരാശരി 28 മിനിറ്റ് 10 സെക്കൻഡ് വേണമെന്ന് നെതർലൻഡ്സ്‌ ആസ്ഥാനമായുള്ള ലൊക്കേഷൻ ടെക്‌നോളജി കമ്പനിയായ ‘ടോം ടോം’ ട്രാഫിക് ഇൻഡെക്സ് റിപ്പോർട്ടിൽ വ്യക്തമാക്കി.
ഈ കണക്കുകൾ പ്രകാരം ബംഗളൂരു നഗരവാസികൾ വർഷത്തിൽ 132 മണിക്കൂർ അധികമായി ഗതാഗതക്കുരുക്കിൽപ്പെടുന്നുണ്ട്. ജനസംഖ്യ വർദ്ധനവും വാഹനങ്ങളുടെ വർദ്ധനവും ദിനംപ്രതി വർദ്ധിക്കുന്ന നഗരത്തിൽ ഗതാഗത സൗകര്യങ്ങളുടെ അപര്യാപ്തതയാണ് ഗതാഗതക്കുരുക്കിന് കാരണമാകുന്നത് എന്നാണ് റിപ്പോർട്ട് സൂചിപ്പിക്കുന്നത്. ജനസംഖ്യയും വാഹനങ്ങളുടെ എണ്ണവും ഓരോ ദിവസവും കൂടിവരുന്ന ബെംഗളൂരുവിലെ ഗതാഗത സൗകര്യങ്ങളുടെ അപര്യാപ്തതയാണ് പഠന റിപ്പോർട്ട് സൂചിപ്പിക്കുന്നത്.
