ന്യൂഡൽഹി : സൗഗത് ഇ മോദി’ ക്യാംപയിനിന്റെ ഭാഗമായി രാജ്യത്തെ ദരിദ്രരായ 32 ലക്ഷം മുസ്ലീങ്ങള്‍ക്ക് റംസാൻ കിറ്റുമായി ബിജെപി. ഈ വർഷം അവസാനം നടക്കാനിരിക്കുന്ന ബിഹാര്‍ തെരഞ്ഞെടുപ്പിന് മുന്നോടിയാണ് ബിജെപിയുടെ നീക്കം. ഇതിന്റെ ഭാഗമായി ഡല്‍ഹിയിലെ നിസാമുദ്ദീനില്‍ ബിജെപി അധ്യക്ഷനും കേന്ദ്രമന്ത്രിയുമായ ജെ.പി. നദ്ദ ക്യാമ്പയ്‌നിന് തുടക്കം കുറിച്ചു. ഓരോ കിറ്റിലും 600 രൂപ വരെയുള്ള സാധനങ്ങളാണ് ഉള്‍പ്പെടുത്തിയിരിക്കുന്നത്.
അതിദാരിദ്ര മുസ്ലിമുകളെ കണ്ടത്തുന്നതിനായി ബിജെപി പ്രവര്‍ത്തകര്‍ 32,000 പള്ളികളുമായി ബന്ധപ്പെടും. കൂടാതെ ദുഃഖവെള്ളി ഈസ്റ്റർ ഉൾപ്പടെയുള്ള ദിനങ്ങളിലും സൗഗത്ത്-ഇ-മോദി’ പദ്ധതി വഴി ഈ ദിനങ്ങളിലും കിറ്റ് വിതരണം ചെയ്യും. ഭക്ഷ്യവസ്തുക്കള്‍ക്കൊപ്പം, വസ്ത്രങ്ങള്‍, ഈന്തപ്പഴം, ഡ്രൈ ഫ്രൂട്ട്സ്, പഞ്ചസാര എന്നിവ കിറ്റുകളില്‍ ഉള്‍പ്പെടുന്നു.
