കൊച്ചി: ലൈംഗികാധിക്ഷേപം നടത്തിയ കേസിൽ ബോബി ചെമ്മണ്ണൂർ നൽകിയ ജാമ്യാപേക്ഷയിൽ ജാമ്യം അനുവദിക്കാമെന്ന് ഹൈക്കോടതി. ജാമ്യം അനുവദിക്കാമെന്ന് പറഞ്ഞ കോടതി ഇത് സംബന്ധിച്ച ഉത്തരവ് മൂന്നരയ്ക്ക് നൽകും.
ജാമ്യാപേക്ഷയിലൂടെയും ബോബി ചെമ്മണ്ണൂർ പരാതിക്കാരിയെ അധിക്ഷേപിക്കുന്നു എന്നും, ബോബിയുടെ പരാമർശത്തിൽ ദ്വയാർത്ഥ പ്രയോഗം ഉണ്ടെന്നും ഹൈക്കോടതി നിരീക്ഷിച്ചു. ജസ്റ്റിസ് പി വി കുഞ്ഞികൃഷ്ണന്റെ ബെഞ്ചാണ് ജാമ്യഹര്‍ജി പരിഗണിച്ചത്.
ബോബിയുടെ ജാമ്യഹര്‍ജിയെ സര്‍ക്കാര്‍ എതിര്‍ത്തു. ബോബി ചെമ്മണ്ണൂരിനെ കസ്റ്റഡിയില്‍ വിടുന്നതെന്തിനെന്ന് കോടതി തിരിച്ചും ചോദിച്ചു. നേരത്തെ ഹൈക്കോടതിയില്‍ ജാമ്യാപേക്ഷ നല്‍കിയിരുന്നെങ്കിലും ബോബിയുടെ ഹര്‍ജി കോടതി അടിയന്തരമായി പരിഗണിച്ചില്ല.
