രണ്ട് ദിവസത്തെ തെരഞ്ഞെടുപ്പ് പ്രചാരണ പരിപാടികള്‍ക്കായി മുഖ്യമന്ത്രി പിണറായി വിജയന്‍ ഇന്ന് പാലക്കാട് മണ്ഡലത്തിലെത്തും. രാവിലെ 11 മണിക്ക് മേപ്പറമ്പിലാണ് ആദ്യ പൊതുയോഗം. ഉച്ചക്ക് ശേഷം മാത്തൂരും കൊടുന്തിരപ്പുള്ളിയിലുമുള്ള തെരഞ്ഞെടുപ്പ് യോഗങ്ങളിലും മുഖ്യമന്ത്രി സംസാരിക്കും.
നാളെ ഒലവക്കോട്, കണ്ണാടി, സുല്‍ത്താന്‍പേട്ട എന്നിവിടങ്ങളിലായിരിക്കും മുഖ്യമന്ത്രിയുടെ പ്രചാരണ പരിപാടികള്‍. എല്‍ഡിഎഫ് സ്ഥാനാര്‍ത്ഥി പി സരിന്‍ മണ്ഡലത്തിലെ വികസന ലൈവത്തോണിനൊപ്പം മുഖ്യമന്ത്രി പങ്കെടുക്കുന്ന തെരഞ്ഞെടുപ്പ് യോഗങ്ങളിലും വോട്ടഭ്യര്‍ത്ഥിക്കും.
യുഡിഎഫ് സ്ഥാനാര്‍ത്ഥി രാഹുല്‍ മാങ്കൂട്ടത്തിലിന്റെ ഇന്നത്തെ പര്യടനം രാവിലെ 7 മണിക്ക് പുതുപ്പള്ളി തെരുവില്‍ നിന്ന് തുടങ്ങി വൈകുന്നേരം നാല് മണിക്ക് വിക്ടോറിയ കോളേജ് പരിസരത്ത് റോഡ് ഷോയോടെ അവസാനിക്കും. സ്ഥാനാര്‍ത്ഥി സി കൃഷ്ണകുമാറിനായി സ്ത്രീ ശക്തി എന്ന പേരില്‍ സംഘടിപ്പിക്കുന്ന സ്ത്രീകളുടെ റാലിയാണ് എന്‍ഡിഎ ക്യാമ്പിലെ പ്രധാന പരിപാടി.
