ആരാധകർ ആവേശത്തോടെ കാത്തിരുന്ന അല്ലു അർജുൻ നായകനായെത്തുന്ന ‘പുഷ്പ 2’വിൻ്റെ ക്ലെെമാക്സ് ദൃശ്യങ്ങൾ ചോർന്നുവെന്ന് റിപ്പോർട്ടുകൾ പുറത്ത്.ചിത്രത്തിൻ്റെ ലൊക്കേഷനിൽ നിന്നുള്ള ദൃശ്യങ്ങൾ എന്ന അവകാശ വാദത്തോടെയാണ് ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നത്.വീഡിയോയയിൽ താരങ്ങളുടെ മുഖം വ്യക്തമല്ല. ഒരുകൂട്ടം അണിയറപ്രവർത്തകർ ചേർന്ന് ഒരാളെ വലിച്ചുപൊക്കുന്നതാണ് ദൃശ്യത്തിലുള്ളത്. സെക്കൻ്റുകൾ മാത്രം ദെെർഘ്യമുള്ള വീഡിയോയാണ് പ്രചരിക്കുന്നത്. ദൃശ്യങ്ങൾ ചോർന്നിട്ടുണ്ടെങ്കിൽ നടപടി വേണമെന്ന ആവശ്യവുമായി ആരാധകരും എത്തുന്നുണ്ട്.
ഇതിന് മുമ്പും ചിത്രത്തിലെ നായികയായ രശ്മിക മന്ദാനയുടെ ലുക്ക് ചോർന്നുവെന്ന് റിപ്പോർട്ടുകൾ വന്നിരുന്നു. ചിത്രത്തെക്കുറിച്ച് നിരവധി അഭ്യൂഹങ്ങൾ പ്രചരിക്കുന്ന സമയത്താണ് ദൃശ്യങ്ങളും ചോർന്നുവെന്ന് റിപ്പോർട്ടുകൾ പുറത്തുവരുന്നത്.സുകുമാർ സംവിധാനംചെയ്യുന്ന ചിത്രം ഡിസംബറിലാണ് റിലീസ് പ്രഖ്യാപിച്ചിരുന്നത്.സംവിധായകൻ സുകുമാറും അല്ലു അർജുനും അടുത്തകാലത്തായി അത്ര രസത്തിലല്ല എന്നതുൾപ്പടെയുള്ള അഭ്യൂഹം ടോളിവുഡിൽനിന്നും വന്നിരുന്നു. ചിത്രീകരണം പുരോഗമിക്കവേ താരവും സംവിധാനവും വെവ്വേറെ ഇടങ്ങളിലേക്ക് അവധിയാഘോഷത്തിന് പോയതും ഈ അഭ്യൂഹം ശക്തമാകാൻ ഇടയാക്കി.
