നഴ്സിംഗ് അഡ്മിഷൻ വാഗ്ദാനം ചെയ്ത് പണം തട്ടിയ സിപിഎം നേതാവിനെ സസ്പെൻഡ് ചെയ്തു

ആലപ്പുഴ: കായംകുളത്ത് നഴ്സിംഗ് അഡ്മിഷൻ വാഗ്ദാനം ചെയ്ത് പണം തട്ടിയ സിപിഎം നേതാവിനെ പാർട്ടിയിൽ നിന്ന് സസ്പെൻഡ് ചെയ്തു. കായംകുളം പുതുപ്പള്ളി ലോക്കൽ കമ്മിറ്റി അംഗം എസ്. സുഭാഷിനെയാണ് സസ്പെൻഡ് ചെയ്തത്. പാർട്ടിയ്ക്ക് ഇയാൾക്കെതിരെ ആറ് പരാതികളാണ് ലഭിച്ചത്. സിപിഎം സംസ്ഥാന സെക്രട്ടറി അടക്കമുള്ള നേതാക്കൾക്കൊപ്പം നിൽക്കുന്ന ഫോട്ടോകൾ ഉപയോഗിച്ച് വിശ്വാസ്യത നേടിയെടുത്താണ് തട്ടിപ്പ് നടത്തിയത്.