പാലസ്തീന് ഐക്യദാർഢ്യവുമായി സിപിഎം പാർട്ടി കോൺഗ്രസ് ; എത്തിയത് കഫിയ ധരിച്ച്

മധുര: മധുരയിൽ നടക്കുന്ന 24 മത് സിപിഎം പാർട്ടി കോൺഗ്രസിൽ പലസ്‌തീൻ ജനതയ്ക്ക് ഐക്യദാർഢ്യവുമായി പ്രതിനിധികൾ. ഐക്യദാർഢ്യത്തിന്റെ ഭാഗമായി കഫിയ അണിഞ്ഞാണ് പ്രതിനിധികൾ സമ്മേളനത്തിൽ എത്തിയത്.

കൂടാതെ ജനതയ്ക്ക് പിന്തുണ അറിയിച്ച് പ്രതിനിധികൾ ഡൗൺ ഡൗൺ സയണിസം എന്ന മുദ്രാവാക്യവും ഉയർത്തി. അതേസമയം സംസ്ഥാന സർക്കാരിനെ സാമ്പത്തികമായി ഞെരുക്കുന്ന കേന്ദ്രസർക്കാരിനെതിരെ സിപിഎം പാർട്ടി കോൺഗ്രസിൽ ഇന്ന് പ്രമേയം അവതരിപ്പിക്കും.