“ഐസ് കാൻഡിമാൻ” രചയിതാവ് ബാപ്‌സി സിധ്വ അന്തരിച്ചു

ഇന്ത്യ-പാക് വിഭജനത്തിന്റെ ഭയങ്കരവും വേദനിപ്പിക്കുന്നതുമായ അനുഭവങ്ങള്‍ ‘ഐസ് കാൻഡി മാനി’ലൂടെ തുറന്ന് കാണിച്ച പാകിസ്താനി നോവലിസ്റ്റ് ബാപ്‌സി സിധ്വ അന്തരിച്ചു. യു.എസിലെ ഹൂസ്റ്റണില്‍ ബുധനാഴ്ചയായിരുന്നു അന്ത്യം. 86 വയസായിരുന്നു.
1938 ഓഗസ്റ്റ് 11-ന് കറാച്ചിയിലെ പാഴ്സി കുടുംബത്തിലാണ് ജനിച്ച സിധ്വ . ‘ദ ക്രോ ഈറ്റേഴ്സ്’ (1978), ‘ദ ബ്രൈഡ്’ (1982), ‘ആൻ അമേരിക്കൻ ബ്രാറ്റ്’ (1993), ‘സിറ്റി ഓഫ് സിൻ ആൻഡ് സ്‌പ്ലെൻഡർ: റൈറ്റിങ്സ് ഓണ്‍ ലഹോർ’ (2006) തുടങ്ങിയ കൃതികളിലൂടെയും പ്രശസ്തയായിരുന്നു . പാകിസ്താനിലെ പ്രസിദ്ധമായ ‘സിതാര ഇ ഇംതിയാസ്’ ഉള്‍പ്പെടെ ഒട്ടേറെ ബഹുമതികള്‍ നേടിയിട്ടുണ്ട്.
‘ഐസ് കാൻഡി മാൻ’ ഇന്ത്യൻ-കനേഡിയൻ സംവിധായികയായ ദീപാ മേത്ത ‘എർത്ത്’ എന്ന പേരില്‍ ചലച്ചിത്രമാക്കിയിട്ടുണ്ട് . ഓസ്കർ നാമനിർദേശം ലഭിച്ച ദീപാ മേത്താ ചിത്രം ‘വാട്ടറി’നെ ആസ്പദമാക്കി ‘വാട്ടർ: എ നോവല്‍’ എന്ന പേരില്‍ സിധ്വ നോവലെഴുതിയിട്ടുണ്ട്.