ന്യൂഡല്‍ഹി: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെതിരെ വധഭീഷണി. മുഖ്യമന്ത്രി സ്ഥാനത്തുനിന്നും രാജിവെച്ചില്ലെങ്കില്‍ എന്‍സിപി നേതാവ് ബാബാ സിദ്ദിഖിയെ പോലെ കൊലപ്പെടുത്തുമെന്നായിരുന്നു സന്ദേശത്തിലുണ്ടായിരുന്നത്. ഭീഷണി സന്ദേശം വന്നതിന് പിന്നാലെ യോഗി ആദിത്യനാഥിന്റെ സുരക്ഷ വര്‍ധിപ്പിച്ചിരുന്നു.
അതേസമയം വധഭീഷണി മുഴക്കിയ യുവതിയെ പൊലീസ് അറസ്റ്റ് ചെയ്തതg. 24-കാരിയായ ഫാത്തിമ ഖാനെയാണ് പൊലീസ് അറസറ്റ് ചെയ്തിരിക്കുന്നത്. ബിഎസ്സി ബിരുദധാരിയായ യുവതി മുംബൈയിലെ താനെയില്‍ മാതാപിതാക്കള്‍ക്കൊപ്പമാണ് താമസിക്കുന്നത്. യുവതിയുടെ നമ്പറില്‍ നിന്നാണ് ട്രാഫിക് പൊലീസ് കണ്‍ട്രോള്‍ റൂമിന് സന്ദേശം ലഭിച്ചതെന്ന് പൊലീസ് പറയുന്നു.
