ജയ് ഭീം സംവിധായകൻ ഞ്ജാനവേൽ സംവിധാനം ചെയ്യുന്ന രജനികാന്ത് ചിത്രം വേട്ടയൻ തിയേറ്റർ റിലീസിന് ഒരുങ്ങുന്നു. രജനിക്കൊപ്പം അമിതാഭ് ബച്ചൻ, മഞ്ജു വാര്യർ, ഫഹദ് ഫാസിൽ, റാണ എന്നിവരും പ്രധാനവേഷത്തിലെത്തുന്നുണ്ട്.
ചിത്രം റിലീസിനൊരുങ്ങുമ്പോൾ പ്രിവ്യൂ വിഡിയോ പങ്കുവെച്ചിരിക്കുകയാണ് അണിയറപ്രവർത്തകർ. ചിത്രത്തിലെ ഒട്ടുമിക്ക താരങ്ങളെയും വീഡിയോയിൽ ഉൾപ്പെടുത്തിയിട്ടുണ്ട്. തലൈവർ, മഞ്ജു വാര്യർ, റാണ, ഫഹദ് എന്നിവർക്കൊപ്പം മലയാളി നടൻ സാബുമോൻ അബ്ദുസമദിന്റെ ഭാഗങ്ങളും വിഡിയോയിൽ ഉൾപ്പെടുത്തിയിട്ടുണ്ട്. നെഗറ്റിവ് റോളിലാകും സാബുമോൻ എത്തുകയെന്നാണ് പ്രിവ്യൂ വിഡിയോ നൽകുന്ന സൂചന.
ലൈക പ്രൊഡക്ഷൻസിന്റെ ബാനറിൽ സുബാസ്കരനാണ് ചിത്രം നിർമ്മിക്കുന്നത്.എസ്.ആർ. കതിര്‍ ആണ് ഛായാഗ്രഹണം. സംഗീതം അനിരുദ്ധ്. ആക്‌ഷൻ അൻപറിവ്. എഡിറ്റിങ് ഫിലോമിൻ രാജ്.ദീപാവലിയോടനുബന്ധിച്ച് ചിത്രം തിയേറ്ററുകളിലെത്തും.
