പായൽ കപാഡിയയുടെ ആഗോള ശ്രദ്ധ നേടിയ ചിത്രമാണ് ഓൾ വീ ഇമേജിൻ ആസ് ലൈറ്റ് എന്ന ചിത്രം. കാൻസ് ഫെസ്റ്റിവലിലെ മികച്ച രണ്ടാമത്തെ അവാർഡ് ആയ ഗ്രാൻഡ് പ്രി വരെ നേടിയിരുന്നു ഈ സിനിമ. മുംബൈയിൽ താമസിക്കുന്ന മലയാളികളായ നഴ്‌സുമാരെ പറ്റിയാണ് ഓൾ വീ ഇമേജിൻ ആസ് ലൈറ്റ്.
മലയാളി താരങ്ങളായ ദിവ്യ പ്രഭ, കനി കുസൃതി, ഹൃദു ഹാറൂൺ, അസീസ് നെടുമങ്ങാട് എന്നിവർ മികച്ച വേഷത്തിൽ അഭിനയിച്ച സിനിമ കഴിഞ്ഞ ദിവസമാണ് പുറത്തിറങ്ങിയത്. അതോടെ ചൂടൻ ചർച്ചകളും സാമൂഹ്യ മാധ്യമങ്ങളിൽ ആരംഭിച്ചു.
സിനിമയിൽ ദിവ്യപ്രഭ അഭിനയിച്ച ഇൻ്റിമേറ്റ് ഗ്ലാമർ രംഗങ്ങളെ ചുറ്റിപ്പറ്റിയാണ് ചർച്ചകളേറെയും. ആ രംഗങ്ങൾ മാത്രമായി ട്രിം ചെയ്താണ് വീഡിയോ ഇപ്പോൾ സാമൂഹ്യ മാധ്യമങ്ങളിലാകെ പ്രചരിക്കുന്നത്. അഭിനേത്രിയുടെ പുറത്തിറങ്ങിയ വീഡിയോ ഒന്ന് കാണാനായി ലിങ്ക് അന്വേഷിച്ചും അപേഷിച്ചും നടക്കുന്നവരെയാണ് ഇപ്പോൾ സാമൂഹ്യ മാധ്യമങ്ങളിൽ ഏറെയും കാണുന്നത്.
ദിവ്യപ്രഭ എന്ന ഹഷ്ടാഗും ഇപ്പോൾ വൈറൽ ആയികൊണ്ടിരിക്കുകയാണ്. ഫെയ്ക് ഐഡികളിൽ നിന്നും ഒറിജിനൽ ഐഡി കളിൽ നിന്നുമുള്ള കേട്ടാലറക്കുന്ന കമന്റുകൾ കൊണ്ട് സമ്പുഷ്ടമാണ് ഇപ്പോൾ ദിവ്യപ്രഭ എന്ന ഹാഷ്ടാഗിന് കീഴെ വരുന്ന വിഡിയോകൾ. വലുപ്പ ചെറുപ്പമില്ലാതെ കേരളക്കര വീഡിയോക്ക് പിന്നിൽ ഓടുന്നതാണ് ഇപ്പോൾ കാണാനാകുന്ന പരിതാപകരമായ കാഴ്ച. അപകടകരമായ വിധത്തിൽ മനുഷ്യന്റെ ലൈംഗിക ദാരിദ്ര്യമേറുന്ന കാഴ്ച.
