ഹെവി ഗുഡ്സ് ട്രക്കിടിച്ച് അച്ഛനും മകനും ദാരുണാന്ത്യം

ഗൂഡല്ലൂർ: ഹെവി ഗുഡ്സ് ട്രക്ക് ഇടിച്ച് അച്ഛനും മകനും ദാരുണാന്ത്യം. ഗുഡല്ലൂർ വനദുർഗ ക്ഷേത്രത്തിന് സമീപത്തെ സാമുവലും (33) മകൻ വിജിൽ വർഷനും (7) ആണ് മരിച്ചത്. ശനിയാഴ്ച രാത്രി പതിനൊന്നു മണിയോടെയായിരുന്നു സംഭവം. ഇരുചക്ര വാഹനത്തിൽ സഞ്ചരിക്കുകയായിരുന്ന സാമുവലും വിജിലും, എതിരെ വരികയായിരുന്ന ഹെവി ട്രക്ക് വണ്ടിയിൽ തട്ടി റോഡിലേയ്ക്ക് വീഴുകയായിരുന്നു. ട്രക്ക് ദേഹത്ത് കയറിയിറങ്ങിയ ഇരുവരും സംഭവസ്ഥലത്ത് തന്നെ മരിച്ചു. മലപ്പുറം ഭാഗത്തേയ്ക്ക് പോവുകയായിരുന്ന ട്രക്കിടിച്ചാണ് അപകടമുണ്ടായത്. തുടർന്ന് പോലീസെത്തി മൃതദേഹങ്ങൾ ആശുപത്രിയിലേക്ക് മാറ്റി.