സംസ്ഥാനത്തെ സ്വർണവിലയിൽ കുതിപ്പ്. ഒറ്റയടിക്ക് പവന് 840 രൂപയും, ഗ്രാമിന് 105 രൂപയുമാണ് വില വർധിച്ചത്. ഇതോടെ ഗ്രാമിന് 8,340 രൂപയും പവന് 66,720 രൂപയുമായി. സംസ്ഥാനത്തെ വെള്ളി വിലയിൽ ഇന്ന് താഴ്ച്ചയുണ്ട്. ഒരു കിലോ വെള്ളിക്ക് 100 രൂപ താഴ്ന്ന് 1,10,900 രൂപ എന്നതാണ് നിരക്ക്. ഒരു ഗ്രാം വെള്ളിക്ക് 110.90 രൂപ, 8 ഗ്രാമിന് 887.20 രൂപ, 10 ഗ്രാമിന് 1,109 രൂപ, 100 ഗ്രാമിന് 11,090 രൂപ എന്നിങ്ങനെയാണ് വില നിലവാരം.
ആഗോള സ്വർണ്ണ വ്യാപാരം വെള്ളിയാഴ്ച്ച മികച്ച നേട്ടത്തിലാണ് നടക്കുന്നത്. സർവ്വകാല ഉയരങ്ങൾ തിരുത്തിക്കൊണ്ട് ട്രോയ് ഔൺസിന് 23.65 ഡോളർ (0.78%) ഉയർന്ന് 3,073.56 ഡോളർ എന്നതാണ് നിരക്ക്.
