വെള്ളിയാഴ്ചകളിലെ ഹയര്‍സെക്കന്‍ഡറി പൊതുപരീക്ഷ: സമയക്രമം പുനര്‍ നിശ്ചയിക്കണമെന്ന് കേരളമുസ്ലിം ജമാഅത്ത്

കോഴിക്കോട്: വെള്ളിയാഴ്ചകളിൽ നിശ്ചയിച്ചിരിക്കുന്ന ഈ വര്‍ഷത്തെ ഹയര്‍സെക്കണ്ടറി പൊതുപരീക്ഷയുടെ സമയക്രമം പുനര്‍ നിശ്ചയിക്കണമെന്ന് കേരളമുസ്ലിം ജമാഅത്ത്. നിലവിലെ സമയക്രമ പ്രകാരം വെള്ളിയാഴ്ചകളിലെ പരീക്ഷ ഉച്ചക്ക് 1.30നാണ് തുടങ്ങുന്നത്.വെള്ളിയാഴ്ച പള്ളികളില്‍ പ്രാര്‍ത്ഥനക്ക് പോകുന്ന വിദ്യാര്‍ത്ഥികള്‍ക്ക് ഈ സമയക്രമം പ്രയാസമാണ്. അതുകൊണ്ട് വെള്ളിയാഴ്ചകളിലെ പരീക്ഷാസമയം രണ്ടു മണിയിലേക്ക് മാറ്റുകയോ അല്ലെങ്കിൽ മറ്റു പരിഹാരമാര്‍ഗങ്ങള്‍ കണ്ടെത്തുകയോ ചെയ്യണമെന്ന് മുഖ്യമന്ത്രിക്കും വിദ്യാഭ്യാസമന്ത്രിക്കും ജമാഅത്ത് നല്‍കിയ നിവേദനത്തില്‍ ആവശ്യപ്പെട്ടു.