ഉത്തർപ്രദേശ് : വിദ്വേഷ പരാമർശവുമായി വീണ്ടും ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. മുസ്ലിം കുടുംബങ്ങൾക്കിടയിൽ താമസിക്കുന്ന ഹിന്ദുക്കൾ സുരക്ഷിതരല്ലെന്നും ,എന്നാൽ ഹിന്ദു കുടുംബങ്ങൾക്കിടയിൽ താമസിക്കുന്ന മുസ്ലിം കുടുംബം സുരക്ഷിതരാണെന്നുമാണ് ആദിത്യനാഥിന്റെ പുതിയ പരാമർശം. ‘100 ഹിന്ദു കുടുംബങ്ങൾക്കിടയിൽ താമസിക്കുന്ന ഒരു മുസ്ലിം കുടുംബം സുരക്ഷിതരാണ്.അവർക്ക് മതപരമായ കാര്യങ്ങൾ ചെയ്യാൻ സ്വാതന്ത്രം ഉണ്ട് .
എന്നാൽ 100 മുസ്ലിം കുടുംബങ്ങൾക്കിടയിൽ 50 ഹിന്ദുകുടുംബങ്ങൾ പോലും സുരക്ഷിതരല്ലെന്നും ആദിത്യനാഥ് പറഞ്ഞു . അതേസമയം ബിജെപി സർക്കാർ രൂപീകരിച്ചതിനുശേഷം യൂപിയിൽ വർഗീയ കലാപങ്ങൾ അവസാനിച്ചെന്നും ഒരു യോഗി എന്ന നിലയിൽ താൻ എല്ലാവരുടെയും സന്തോഷമാണ് ആഗ്രഹിക്കുന്നതെന്നും ആദിത്യനാഥ് കൂട്ടിച്ചേർത്തു.
