ഇൻസ്ട്രമെന്റ് ബോക്സും പുസ്തകവും കളഞ്ഞുപോയതിന് മകന്റെ കൈ തല്ലിയൊടിച്ചു; അച്ഛനെ പൊലീസ് അറസ്റ്റ് ചെയ്‌തു

കൊച്ചി: കളമശേരിയിൽ 11 വയസുകാരൻ്റെ കൈ തല്ലിയൊടിച്ച സംഭവത്തിൽ അച്ഛനെ പൊലീസ് അറസ്റ്റ് ചെയ്‌തു. ഇൻസ്ട്രമെന്റ് ബോക്‌സും പുസ്‌തകവും കളഞ്ഞു പോയതിനെ തുടർന്നായിരുന്നു മർദനം. രണ്ട് ദിവസം മുമ്പാണ് സംഭവം നടന്നതെന്നും പിതാവ് മദ്യലഹരിയിലായിരുന്നുവെന്നും പോലീസ് പറഞ്ഞു.കുട്ടി ചികിത്സയ്ക്കായി ആശുപത്രിയിൽ എത്തിയപ്പോഴാണ് വിവരം പുറം ലോകം അറിഞ്ഞത്. അറസ്റ്റിലായ കുട്ടിയുടെ അച്ഛനെ ചോദ്യം ചെയ്തു വരുകയാണെന്ന് പോലീസ് വ്യക്തമാക്കി.