ഷിരൂര്‍ : കർണാടകയിലെ ഷിരൂരിൽ മണ്ണിടിച്ചിലിൽ കാണാതായ അർജുനും മറ്റ് രണ്ട് പേർക്കും വേണ്ടിയുള്ള തെരച്ചിൽ മൂന്നാം ദിവസവും തുടരും. ഇന്നും തെരച്ചിലിന് ഇറങ്ങുമെന്ന് ഈശ്വർ മൽപെ അറിയിച്ചു. നാവികസേന പുഴയിൽ മാർക്ക് ചെയ്ത് നൽകിയ സിപി 4 എന്ന പോയിന്‍റില്‍, ഇന്നലെ വാഹനത്തിൻ്റെ ഭാഗങ്ങൾ കിട്ടിയ ഭാഗത്ത് ആയിരിക്കും ആദ്യം തെരച്ചിൽ നടത്തുക.
തെരച്ചിലിനുള്ള അനുമതി അധികൃതർ നൽകിയിട്ടുണ്ട്. വെള്ളത്തിൽ 30 അടി താഴ്ചയിൽ പരിശോധന നടത്താൻ കഴിയുന്നുണ്ടെന്നും ഇന്ന് അർജുൻ്റെ ലോറി കണ്ടെത്താൻ കഴിയുമെന്നാണ് പ്രതീക്ഷയെന്നും ഈശ്വർ മൽപെ പറഞ്ഞു.
