കോട്ടയത്ത് ബൈക്കും ട്രാവലറും കൂട്ടിയിടിച്ച് നവവരന് ദാരുണാന്ത്യം

കോട്ടയം: വാഹനാപകടത്തില്‍ നവവരന് ദാരുണാന്ത്യം. കടപ്ലാമറ്റം സ്വദേശി ജിജോ ജിന്‍സണാണ് മരിച്ചത്. ഇന്നലെ രാത്രി 10 മണിയോടെ എംസി റോഡില്‍ കളിക്കാവിലാണ് അപകടമുണ്ടായത്. ബൈക്കും ട്രാവലറും കൂട്ടിയിടിക്കുകയായിരുന്നു. ഇന്നായിരുന്നു ജിജോയുടെ വിവാഹം നടക്കേണ്ടിയിരുന്നത്. ജിജോയ്‌ക്കൊപ്പം ബൈക്കിലുണ്ടായിരുന്ന യുവാവ് ചികിത്സയിലാണ്