കൊച്ചി: മുഖ്യമന്ത്രിയുടെ മകൾ വീണയ്ക്ക് എതിരായ കേസ് രാഷ്ട്രീയ പ്രേരിതമെന്ന് മന്ത്രി പി രാജീവ്. മൂന്ന് വിജിലൻസ് കോടതികളും ഹൈക്കോടതിയും യാതൊരു തെളിവുകളും ഇല്ല എന്ന് കണ്ടെത്തിയ കേസാണിത്. പൊതുസമൂഹം മാത്രമല്ല കോടതിയും ക്ലീൻ ചീട്ട് നൽകിയിട്ടുണ്ട്. ചരിത്രത്തിൽ അത്യാപൂർവമായി മാത്രം നാലു കോടതികൾ വിധിയെഴുതിയ കേസ് ആണിതെന്ന് മന്ത്രി പറഞ്ഞു.
കോടതിയുടെ വിധി പകർപ്പുകൾ എല്ലാവർക്കും മുന്നിൽ വ്യക്തമാണ്. അന്വേഷണ ഏജൻസികളെ രാഷ്ട്രീയമായി ഉപയോഗിക്കുന്നുവെന്ന് മന്ത്രി പറഞ്ഞു. വീണ വിജയനെതിരെ വന്ന കേന്ദ്ര ഏജൻസി കേസിനെ പ്രതിരോധിക്കാൻ സിപിഐഎം തീരുമാനം. നേരത്തെ ഇക്കാര്യം ചർച്ച ചെയ്തു എന്നതിനാൽ ചർച്ചകൾ ഒന്നും ഇല്ലാതെ ഒറ്റകെട്ടായി പിണറായിയ്ക്കായി പ്രതിരോധം തീർക്കുകയാണ് പാർട്ടിയുടെ കേന്ദ്ര- സംസ്ഥാന നേതൃത്വങ്ങൾ.
