തെറ്റദ്ധരിപ്പിക്കുന്ന പരസ്യങ്ങളില്‍ അഭിനയിച്ച ബോളിവുഡ് താരങ്ങളായ ഷാരൂഖ് ഖാന്‍, അജയ് ദേവ്ഗണ്‍, ടൈഗര്‍ ഷ്രോഫ്, എന്നിവർക്കെതിരെ നോട്ടീസ്. പാൻമസാലയുടെ പരസ്യത്തിൽ അഭിനയിച്ചതിനെതിരെയാണ് ഇവർക്ക് നോട്ടീസ് അയച്ചിരിക്കുന്നത്. കൂടാതെ പാന്‍മസാല കമ്പനിയുടെ ജെബി ഇന്‍ഡസ്ട്രീസ് ചെയര്‍മാന്‍ വിമല്‍ കുമാര്‍ അഗര്‍വാളിനെതിനെതിരെയും ജില്ലാ ഉപഭോക്തൃ തര്‍ക്ക പരിഹാര ഫോറം നോട്ടീസ് അയച്ചിരുന്നു.
പാന്‍മസാല പാക്കറ്റ് വില്‍ക്കുന്നത് വെറും 5 രൂപയ്ക്കാണ് എന്നാൽ പാന്മസാലയുടെ ഓരോ തരിയിലും കുങ്കുമപ്പൂവ് അടങ്ങിയിട്ടുണ്ട് എന്നാണ് പരസ്യത്തിൽ പറയുന്നത്. അതിനാല്‍ യഥാര്‍ത്ഥ കുങ്കുമപ്പൂവോ അതിന്റെ സുഗന്ധമോ ഉണ്ടാകാനുള്ള സാധ്യത ഇല്ലെന്ന് ചൂണ്ടിക്കാട്ടിയാണ് ജയ്പുര്‍ സ്വദേശി യോഗേന്ദ്ര സിങ് ബദിയാല്‍ ആണ് പരാതി നല്‍കിയത്.
