പത്മ അവാര്‍ഡുകള്‍ക്കായുള്ള ഓണ്‍ലൈന്‍ നാമനിര്‍ദ്ദേശങ്ങള്‍ സമർപ്പിക്കുന്നതിന് തുടക്കമായി. ജൂലൈ 31വരെയാണ് നിര്‍ദ്ദേശങ്ങളും ശുപാര്‍ശകളും സ്വീകരിക്കുന്നത്. അവാർഡുകൾക്കായുള്ള നാമനിർദേശങ്ങൾ രാഷ്ട്രീയ പുരസ്‌കാര പോര്‍ട്ടലിൽ (https://awards.gov.in ) ഓണ്‍ലൈനായാണ് സ്വീകരിക്കുന്നത്.
കല, സാഹിത്യം & വിദ്യാഭ്യാസം, കായികം, വൈദ്യശാസ്ത്രം, സാമൂഹിക സേവനം, ശാസ്ത്രം & എഞ്ചിനീയറിംഗ്, പൊതുകാര്യങ്ങള്‍, സിവില്‍ സര്‍വീസ്, വ്യാപാരം & വ്യവസായം തുടങ്ങിയ മേഖലകളില്‍ നേട്ടം കൊയ്തവരെയാണ് പുരസ്‌കാരത്തിന് പരിഗണിക്കുന്നത്. വംശം, തൊഴില്‍, സ്ഥാനം, ലിംഗഭേദം എന്നിവയില്ലാതെ എല്ലാ വ്യക്തികളും ഈ അവാര്‍ഡിന് അര്‍ഹരാണ്.
ഡോക്ടര്‍മാരും ശാസ്ത്രജ്ഞരും ഒഴികെ പൊതുമേഖലാ സ്ഥാപനങ്ങളില്‍ ജോലി ചെയ്യുന്നവര്‍ ഉള്‍പ്പെടെയുള്ള സര്‍ക്കാര്‍ ജീവനക്കാര്‍ക്ക് പദ്മ അവാര്‍ഡിന് അർഹതയില്ല. ഇതുമായി ബന്ധപ്പെട്ട വിശദാംശങ്ങള്‍ അറിയുന്നതിന് ആഭ്യന്തര മന്ത്രാലയത്തിന്റെ വെബ്സൈറ്റിലും പത്മ അവാര്‍ഡ് പോര്‍ട്ടലിലും സന്ദർശിക്കാവുന്നതാണ്.
