മനാമ: റമദാനിലെ അവസാന പത്ത് നാളുകള്‍ ബഹ്‌റൈനിലെ സ്‌കൂളുകള്‍ക്ക് അവധി. കഴിഞ്ഞ ദിവസം ചേര്‍ന്ന പാര്‍ലമെന്റ് സമ്മേളനത്തിൽ
അവധി നല്‍കണമെന്ന നിര്‍ദേശത്തിന് അംഗീകാരം നല്‍കുകയായിരുന്നു. എംപി ഹസന്‍ ബുഖമ്മാസിന്റെ നേതൃത്വത്തില്‍ അംഗങ്ങള്‍ സമര്‍പ്പിച്ച അടിയന്തര നിര്‍ദേശത്തിന്മേലാണ് അംഗീകാരം ലഭിച്ചത്.
റമദാന്റെ ആത്മീയ സത്ത ഉള്‍ക്കൊള്ളാന്‍ വിദ്യാര്‍ത്ഥികളെ ഉള്‍കൊളളണമെന്നും സ്‌കൂള്‍ സംബന്ധമായ വിഷയങ്ങളില്‍ നിന്നും കുട്ടികളുടെ മനസ്സിന് മുക്തി നല്‍കി കുട്ടികളെ പ്രാര്‍ത്ഥനയില്‍ മുഴുകാന്‍ അവസരമൊരുക്കുക എന്നീ ലക്ഷ്യങ്ങളാണ് തീരുമാനത്തിന് പിന്നില്‍.
വിദ്യാഭ്യാസത്തെ പോലെ തന്നെ മതപരമായ വിശ്വാസവും പ്രാധാന്യമാണെന്ന് സെക്കന്റ് ഡെപ്യൂട്ടി സ്പീക്കര്‍ എംപി അഹമ്മദ് ഖരാത്ത പറഞ്ഞു.
