കേരളസമൂഹത്തിൽ പടർന്നുപിടിച്ച മാരക വൈറസാണ് എസ്എഫ്ഐ എന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. മാരക ലഹരി എവിടെ പിടികൂടിയാലും അതിൽ എസ്ഡിപിഐക്കാരും എസ്എഫ്ഐക്കാരും ഉണ്ടെന്നും ഇവരാണ് കേരളത്തെ നശിപ്പിക്കുന്നതെന്നും സുരേന്ദ്രൻ ആരോപിച്ചു.
ക്യാമ്പസുകളിൽ ഇവരുടെ ലഹരി വിളയാട്ടമാണ് സിപിഐഎമ്മിനെയും എസ്എഫ്ഐയെയും പിരിച്ചു വിടണം എന്നും സുരേന്ദ്രൻ വ്യക്തമാക്കി.സർക്കാർ പിന്തുണയോടെ ആണ് ഇത് വ്യാപിക്കുന്നതെന്നും സുരേന്ദ്രൻ വിമർശിച്ചു. അതേസമയം ലഹരി മാഫിയയുടെ രാഷ്ട്രീയ രക്ഷാകർതൃത്വം സിപിഐഎം ഏറ്റെടുത്തിരിക്കുന്നുവെന്നാണ് പ്രതിപക്ഷ നേതാവ് വി ഡി സതീശനും വിമർശിച്ചിരുന്നു.
