വാഷിംഗ്ടണ്‍: സ്‌പേസ് എക്‌സ് ‘സ്റ്റാര്‍ഷിപ്പ്’ ഗ്രഹാന്തര റോക്കറ്റിന്റെ എട്ടാം പരീക്ഷണ വിക്ഷേപണം പരാജയം. റോക്കറ്റ് ബഹിരാകാശത്ത് വെച്ച് പൊട്ടിത്തെറിക്കുകയായിരുന്നു. ആകാശത്ത് തീജ്വാലകള്‍ പ്രത്യക്ഷപ്പെടുന്ന വീഡിയോകള്‍ സമൂഹമാധ്യമങ്ങളില്‍ പ്രചരിക്കുകയാണ്. പരാജയത്തിന്റെ കാരണം അന്വേഷിക്കുമെന്ന് സ്‌പേസ് എക്‌സ് വ്യക്തമാക്കി.
റോക്കറ്റ് കുതിച്ചുപൊങ്ങിയ ശേഷമുള്ള രണ്ടാം ഘട്ടത്തിലെ പരാജയമാണ് സ്‌ഫോടനത്തിന് കാരണമെന്നാണ് കമ്പനി അറിയിച്ചത്. ഫ്‌ലോറിഡയിലും ബഹാമാസിലുമാണ് അവശിഷ്ടങ്ങള്‍ വീണത്. റോക്കറ്റ് വിക്ഷേപിച്ച് മിനിറ്റുകള്‍ക്ക് ശേഷം സ്‌പേസ് എക്‌സിന് സ്റ്റാര്‍ഷിപ്പിന്റെ നിയന്ത്രണം നഷ്ടപ്പെട്ടു. പിന്നാലെ എഞ്ചിനുകള്‍ ഓഫാവുകയും ചെയ്തു. ഇതോടെ പേടകം അഗ്നിഗോളം പോലെ കത്തി അമരുകയായിരുന്നു.
