ഡമാസ്കസ്: സിറിയയില്‍ താത്കാലിക ഭരണഘടന നിലവില്‍ വന്നു. 5 വര്‍ഷത്തേക്കുള്ള ഇടക്കാല ഭരണഘടനയ്ക്കാണ് പ്രസിഡന്‍റ് അഹമദ് അല്‍ ഷറ അംഗീകാരം നല്‍കിയത്. സ്ത്രീകൾക്ക് അവകാശവും അഭിപ്രായ സ്വാതന്ത്ര്യവും ഉറപ്പു വരുത്തുന്ന ഭരണഘടനയെന്നതാണ് പ്രധാനപ്പെട്ട പ്രത്യേകത.
രാജ്യത്തിന്‍റെ പ്രസിഡന്‍റ് മുസ്ലിം ആയിരിക്കണമെന്ന വ്യവസ്ഥ പുതിയ ഭരണഘടനയിലുമുണ്ട്. സിറിയന്‍ ജനതയ്ക്ക് ഇതൊരു പുതിയ തുടക്കമാകുമെന്ന് പ്രസിഡന്‍റ് അഹമദ് അല്‍ ഷറ പറഞ്ഞു. ഇസ്ലാമിസ്റ്റുകളുടെ നേതൃത്വത്തിലുള്ള വിമതര്‍ ബാഷര്‍ അല്‍ അസദിന്റെ സര്‍ക്കാരിനെ അട്ടിമറിച്ച് മൂന്ന് മാസത്തിന് ശേഷമാണ് പ്രഖ്യാപനം.
രണ്ടാഴ്ച മുന്‍പാണ് അല്‍ ഷരാ പ്രഖ്യാപനത്തിന്റെ കരട് തയാറാക്കാന്‍ സമിതിയെ നിയോഗിച്ചത്. അടിയന്തരാവസ്ഥ പ്രഖ്യാപിക്കുവാനുള്ള പ്രത്യേക അധികാരം പ്രസിഡന്റിന് മാത്രമാണുള്ളത്. അഭിപ്രായ സ്വാതന്ത്ര്യവും മാധ്യമങ്ങള്‍ക്കുള്ള സ്വാതന്ത്ര്യവും ഭരണഘടന ഉറപ്പ് നല്‍കുന്നു.
